1 қарашадан бастап көкөніс бағасын тұрақтандыру бағдарламасы іске қосылды, деп хабарлайды Buqara.kz сайтының тілшісі. 

“Ертіс» ӘКК” АҚ бағаны тұрақтандыру бағдарламасы шеңберінде қараша айынан бастап әлеуметтік маңызы бар азық-түлік ішінде көкөністің төрт түрі бойынша арнайы баға бекітілді.
Өскеменде аталған өнімдерді 42 сауда нүктесінен алуға болады. Осы ретте 26 кәсіпкермен азық-түлікті үстемеақысыз сату туралы меморандум жасалды. Олардың санын көбейту жоспарда бар. 
Осылайша қарашадан бастап тұрғындар картоп, сәбіз бен қырыққабаттың бір келісін 115 теңгеден сатып ала алады. Ал пияздың бағасы бір келі үшін 120 теңгені құрайды.