"Қазгидромет" ШҚ филиалы өкілдерінің ақпаратынша, 8 қарашада облыстың солтүстігінде, шығысы мен оңтүстігінде бұрқасын пен көктайғақ күтіледі, деп хабарлайды Buqara.kz сайтының тілшісі. 

Жел оңтүстік-батыстан соғады, облыстың солтүстігінде, шығысында жылдамдығы 15-20 м/с жететін жел соғады. 
ШҚО ТЖД баспасөз қызметі көлігіңіз қыс мезгілінде жүру үшін жабдықталмаса, елді мекендерден тыс сапарға шықпағаныңыз жөн дейді. 
- Жолға шығар алдында мына заттарды жолға алған жөн: сүйрейтін арқан, жанармай қоры, күрек, қол шам, алғашқы медициналық көмек көрсету қобдишасы, жылы киім мен азық-түлік. Көлік жүргізушілері жылдамдық режимін сақтау керек, ал жаяу жүргіншілер жарақат алмас үшін абай болған жөн. Төтенше жағдайда "112" нөміріне қоңырау шалыңыздар, - делінген ақпаратта.