Жүйелік оператор бекіткен электр станцияларында жөндеу жұмыстарын жүргізу кестесіне сәйкес биыл 10 энергоблок, 55 қазандық пен 45 қозғалтқыш күрделі жөндеуден өтеді, деп хабарлайды Buqara.kz сайтының тілшісі. 

Биылғы қалпына келтіру жұмыстары жылу электр станцияларының орташа тозуын 65%-дан 61%-ға дейін төмендетеді деп күтілуде. Атап айтқанда, Риддер ЖЭО-да тозу 58%-дан 54%-ға, Кентау ЖЭО-да 85%-дан 65%-ға, Екібастұз ЖЭО-да 42%-дан 35%-ға азаймақ.
Сондай-ақ жалпы ұзындығы 20,8 мың км электр тасымалдаушы желісін, 423 қосалқы станцияны, 4 мың тарату пунктін және трансформаторлық қосалқы стансаларды жөндеу жоспарлануда.
Ал қоймада барлығы 5,6 млн тонна көмір және 95,6 мың тонна мазут қоры бар.