26 тамызда Есенберлин даңғылында жол-көлік оқиғасы тіркелді, деп хабарлайды Buqara.kz сайтының тілшісі.

ШҚО Полиция департаментінің мәліметінше, экскаватор тасымалдап SHACMAN жүк көлігі жерүсті жаяу жүргіншілер өткелінің астынан өту кезінде өткелдің конструкциясына тиіп кеткен. 
– Нәтижесінде көпір құрылымы зақымдалып, шыны қоршау элементтері сынған. Олар Toyota RAV4 көлігіне зақым келтірді. Оқиғадан ешкім зардап шеккен жоқ, - делінген ақпаратта. 
Жүргізушіге қатысты әкімшілік хаттама толтырылды. Жинақталған материалдар сотқа тапсырылды.