Бұл туралы Шығыс Қазақстан облысы полиция департаментінің баспасөз қызметіндегілер мәлімдеді, деп хабарлайды Buqara.kz сайтының тілшісі. 

20 маусымда Қазақстанда вейпке тыйым салу туралы заң күшіне енді. Осыдан кейін облыс полицейлері 2200-ден астам вейп, 540-тан астам хош иістендіргіш пен сұйықтық, 54 темекі өнімі, 240 картридж және 56 буландырғыш заттарын тәркілеген. 
- Сондай-ақ өңірде 11 қылмыстық іс тіркеліп, 4 іс бойынша айыптау үкімі шықты. Кінәлілерге жалпы сомасы 150 АЕК көлемінде айыппұл салынды, - дейді облыстық полиция департаментіндегілер. 
Айта кетейік, қолданыстағы заңнамаға сәйкес аталған құқық бұзушылық үшін 200 АЕК-ке дейін айыппұл, дәл сол мөлшерде түзеу жұмыстары мен 200 сағатқа дейін қоғамдық жұмыстар немесе 50 тәулікке дейін қамау жазасы тағайындалуы мүмкін.

Фотосурет: ШҚО ПД баспасөз қызметі