Биыл 10 ай ішінде 268 адам туберкулезбен ауырған, деп хабарлайды Buqara.kz сайтының тілшісі.

Аурудың көбеюі Алтай, Самар, Глубокое, Күршім аудандары мен Өскеменде байқалып отыр.
Балалар арасында да туберкулез азаймай тұр. Биыл алты бала мен сегіз жасөспірімнің денсаулығы сыр берген. 
- Аурудың алғашқы белгілері байқалғанда тұрғындар ауруханаға баруы керек. Туберкулез тегін емделеді. Сырқат таралуының басты себебі сол, туберкулезбен ауыратындар емделуден бас тартып жатыр, - дейді ШҚО санитарлық-эпидимиологиялық бақылау департаменті басшысының орынбасары Сәуле Слямғазина.
Айта кетейік, ересектер арасында жыл сайын флюорографиялық тексеру жүргізіледі. Биыл тұрғындардың 93,5 пайызы тексеруден өтті.