2025-2027 жылдарға арналған бюджетті жоспарлау барысында денсаулық сақтау саласын қаржыландыру 2,3 есеге артатыны мәлім болды, деп хабарлайды Buqara.kz сайтының тілшісі. 

Атап айтқанда, сирек кездесетін дертке шалдыққан азаматтарға дәрі-дәрмек сатып алуға жарты миллиард теңгеден астам қаражат қарастырылмақ. Бүгінгі таңда облыста бұл санатқа жататын 55 адам бар (23 ересек және 32 бала).

-Қаңтарда тапшылық болып, халық тендер өткенше дәрі-дәрмекті өз қаражатына сатып алмас үшін жыл соңына дейін дәріханаларда олардың бар-жоғын тексеру қажет, - деді облыс әкімі Ермек Көшербаев. 

Сондай-ақ келер жылы 5,5 миллиард теңгеге 126 медициналық техника мен 36 автокөлік сатып алу жоспарлануда. Түркия, Германия және Ресейдің үздік клиникаларында маман даярлау ісі де өз жалғасын таппақ.