Аймақта ветеринария саласында кадр тапшылығы мәселесі байқалуда, деп хабарлайды Buqara.kz сайтының тілшісі.

Облыстық ветеринария басқармасының басшысы Рамиль Сағандықовтық мәліметінше, келер жылы саланы қаржыландыруды ұлғайту аясында мал дәрігерлердің жалақысы 15-20%-ға артады. Алайда кадр тапшылығы мәселелері өзекті болып қала береді.
- Жастар келіп, тәжірибе жинақтап, жеке компанияларға кетеді. Мемлекеттік дәрігерлердің орташа жалақысы 190-нан 230 мыңға дейін, ал жеке дәрігерлердің жалақысы 500 мыңнан миллион теңгеге дейін, - деді Рамиль Сағандықов.
Өңір басшысы Ермек Көшербаев мемлекеттік ветеринария мамандарына жеке құрылымдарда қосымша ақша табуға тыйым салудың қажеті жоқ екенін, бірақ жалақыны арттырудың қосымша мүмкіндіктерін қарастыру керектігін атап өтті.