ШҚО Полиция департаменті өкілдері тергеудің қандай бап бойынша жүргізіліп жатқанын мәлімдеді, деп хабарлайды Buqara.kz сайтының тілшісі. 

Естеріңізге сала кетейік, 19 қарашада Өскемен-Самар тасжолының 75-ші шақырымында VOLVO жүк көлігі жарылған болатын. Көліктің жүргізушісі мен жолаушысы қаза тапты. Салдарынан тағы бірнеше көлік зақымдалып, бір адам зардап шекті.

Қазіргі таңда Қылмыстық кодекстің 290-бабының 1-бөлігіне сай (атыс қаруын, оқ-дәрілерді, жарылғыш заттарды немесе жарылғыш құрылғыларды күзету тапсырылған адамның өз міндеттерін тиісінше орындамауы, егер бұл олардың ұрлануына немесе жойылуына немесе өзге де ауыр зардаптардың туындауына әкеп соқса) тергеу жалғасып жатыр. 

-Тергеу мүддесі үшін өзге мәліметтер жария етілмейді, - деді ШҚО ДП бастығы Ерлан Омарбеков.