7-9 қаңтар аралығында Алматыдағы «Шымбұлақ» тау шаңғы курортында фристайлдан (могул) жасөспірімдер арасындағы Әлем чемпионаты өтуде, деп хабарлайды Buqara.kz сайтының тілшісі.

Байрақты бәсекеде Жапония, Франция, Корея, Швеция, АҚШ, Чехия, Германия және Швейцариядан келген 53 спортшы бақ сынасып жатыр. 

Екі күндік жарыс қорытындысы бойынша шығысқазақстандық Анастасия Городко параллель могулдан алтын медаль, могулдан күміс медаль жеңіп алды. Қатысушылар арасындағы жоғары бәсекелестікке қарамастан, Анастасияның шеберлігі мен табандылығы топты жарып шығуға мүмкіндік берді.