"Қазгидромет" облыстық филиалының ақпаратынша, ертең өңірдің солтүстігі мен шығысында жауын-шашын мен қар күтіледі, деп хабарлайды Buqara.kz сайтының тілшісі.
Оған қоса бұрқасын соғып, көктайғақ болуы мүмкін. Оңтүстік-шығыстан соғатын жел оңтүстік-батысқа ауысады, аймақтың солтүстігі мен шығысында екпіні 15-20 м/с жететін жел ұйытқиды.
Өскеменде түнде жылдамдығы 15-18 м/с жеттеін жел соғуы мүмкін.
Осы ретте ШҚО ТЖД мамандары елдімекеннен тыс жерлерге сапарды кейінге қалдыруды сұрайды. Ауа-райы нашарлаған жағдайда жанармай құю бекеттерінде, жол бойындағы дәмханаларда, ұйымдастырылған автотұрақтарға жақын жерде тоқтаған жөн. Көлік жүргізушілері жылдамдық режимін және қашықтықты қатаң сақтау қажет.
Төтенше жағдайда 112 нөміріне хабарлаңыздар.
Пікірлер