ТЖМ «Қазселденқорғау» филиалының мамандары «Өскемен-Тарғын-Самар» және «Өскемен-Алтай» тасжолдарында қар көшкінінің алдын алу жұмыстарын жүргізді, деп хабарлайды Buqara.kz сайтының тілшісі.

Осылайша, екі учаскеден 14 760 текше метр қар шығарылды. Қыс басталғалы бері 37 рет қар көшкіні жүргізіліп, жалпы көлемі 31 980 текше метрді құрады.

-Қар көшкінін алдын алу шаралары төтенше жағдайды болдырмауға және автожолдарды, қысқы демалыс аймақтарын қорғауға бағытталған, - деді «Қазселденқорғау» филиалының басшысы Советбек Станбеков.