Облыс әкімінің өкіміне сәйкес 1 ақпаннан бастап өңірде су тасқыны кезеңіне жоғары дайындық режимі енгізілді, деп хабарлайды Buqara.kz сайтының тілшісі. 

Осы мақсатта су айдындарына мониторинг жүргізіледі. 

-Қазіргі уақытта 156 мың текше метрден астам қар шығарылды. Су тасқыны қаупі төнгенде жедел ден қою үшін жеке құрамның 2511 адамы, 242 мотопомпасы, құтқарушылар мен жергілікті атқарушы органдардың 46 жүзу құралы, сондай-ақ 800-ден астам техника топтастырылған. 64 мың дана қап, 9323 тонна инертті материал және 263 тоннадан астам ЖЖМ дайындалды, - дейді ШҚО ТЖД баспасөз қызметіндегілер.