Шығыс Қазақстан облысы - су басу қаупі жоғары аймақтардың бірі, деп хабарлайды Buqara.kz сайтының тілшісі.

ШҚО ТЖД мәліметінше, қазіргі уақытта қар жамылғысындағы су қоры көпжылдық орташа мәннен асып түседі. 

Үлкен Нарын, Марқакөл, Ұлан, Глубокое аудандарында, сондай-ақ Өскеменде топырақтың қату тереңдігі өткен жылғы көрсеткіштерден жоғары. Қардың қалыңдығы 11-ден 136 сантиметрге дейін жетеді. Қардың нормадан асатын қоры Алтай, Катонқарағай аудандары мен Риддерде байқалды.

Ал өзендердегі мұздың қалыңдығы 12-ден 77 сантиметрге дейін ауытқиды.