ШҚО ТЖД өкілдері 138 000-нан астам профилактикалық тексеріс жүргізіп, өрт қауіпсіздігі ережелерін бұзудың 17 000-ға жуық фактісін анықтады, деп хабарлайды Buqara.kz сайтының тілшісі.

Осы ретте мамандар тұрғындарды барынша сақ болуға шақырады. 

- Пешпен жылыту жүйесі техникалық тұрғыдан дұрыс жағдайда болуы тиіс. Пешті қараусыз қалдыруға болмайды.Оның шамадан тыс қызып кетуіне жол бермеу үшін күніне екі-үш реттен, бір жарым сағаттан артық жақпау ұсынылады. Ұйқыға жатардан үш сағат бұрын пешті жағуды тоқтату қажет. Әр пештің алдында міндетті түрде 50 х 70 сантиметр көлеміндегі металл табақша төселуі тиіс. Пештің үстінде киім мен шикі отынды кептіруге болмайды, - делінген ШҚО ТЖД баспасөз қызметінің мәліметінде.