Ақпан айында шаштараз бен сұлулық салондарының қызметі өткен жылдың сәйкес кезеңімен салыстырғанда 12,1%-ға өсті, деп хабарлайды Buqara.kz сайтының тілшісі.

Атап айтқанда, ерлердің шаш қию қызметі 16,2%-ға, әйелдердің шаш қию қызметі 10%-ға, педикюр 5,4%-ға, маникюр 5%-ға, эпиляция 2,9%-ға қымбаттады.

Қызмет құнының артуы Ұлытау (24%), Маңғыстау (23,5%), Батыс Қазақстан (20,9%), Павлодар (20,7%) және Солтүстік Қазақстан (19,6%) облыстарында байқалады. Шығыс Қазақстанда бұл көрсеткіш 10%-ды құрады.

Ал бағаның ең төменгі жылдық өсімі Қызылорда облысында (3,1%), Ақтөбе (5%) және Атырау (5,9%) облыстарында тіркелді.