Келесі айда ауаның орташа айлық температурасы нормадан 1°С жоғары болады деп күтілуде, деп хабарлайды Buqara.kz сайтының тілшісі. 

«Қазгидромет» РМК болжамына сүйенсек, сәуір айының басында түнде ауа температурасы -7-12°С-қа дейін төмен болады. Күндіз термометр +2+7°C-тан +10+15°C-қа дейін көтеріледі. 

Екінші онкүндікте күндіз сынап бағанасы +15+20°С жоғарыласа, облыстың оңтүстігінде +25°С-қа дейін жылынады.

Ал үшінші онкүндікте ауа температурасы түнде +5+10°С, күндіз +17+22°С-қа дейін жетеді деп күтілуде.

Дегенмен, айдың басында ылғалды қар мен жаяу бұрқасын күтіледі. Екінші онкүндіктің ортасында, үшінші онкүндіктің басы мен аяғында жаңбыр жауады деп болжануда.

Айдың ортасында найзағай ойнауы мүмкін.