Облыстағы ауыл тұрғынының есірткі заттарын заңсыз сақтағаны анықталды, деп хабарлайды Buqara.kz сайтының тілшісі. 

Жедел тінту барысында оның үйі мен шаруашылық құрылыс нысандарынан психотроптық заттарды өңдеуге пайдаланылған құралдар, өзіндік иісі бар өсімдік тектес зат салынған жеті қаптама табылды. Бұдан бөлек, ұқсас зат бар көк түсті полимерлі қойма ыдысы анықталды. 

Тәркіленген заттың жалпы салмағы 4846,71 грамм кептірілген марихуана екені белгілі болды. Бұл мөлшер заң бойынша аса ірі көлемге жатады.

Аталған факті бойынша сотқа дейінгі тергеу жүргізілуде, тергеу әрекеттері жалғасуда. Оның нәтижелері бойынша қорытынды процессуалдық шешім қабылданады.