Бұл туралы «Қазгидромет» облыстық филиалының өкілдері мәлім етті, деп хабарлайды Buqara.kz сайтының тілшісі.

Белгілі болғандай, 4-6 сәуір аралығында температураның жоғарылауына, сондай-ақ 5 сәуірде облыстың басым бөлігінде жауын-шашынның күтілуне байланысты қардың қарқынды еруі мен өзендердің мұздан тазаруы жалғасады. 

- Бұл ретте өзен арналарында мұз кептелісі қалыптасуы мүмкін. Еріген қар суының және беткейлік ағындардың қалыптасуы, өзендерде су деңгейінің көтерілуі күтіледі. Соның салдарынан су жайылуы мен су басуы мүмкін, - делінген ақпаратта. 

ШҚО ТЖД азаматтарға мынандай кеңес береді:

- арықтар мен бұлақтардың арналарын  тазалау және бітеп тастамау;

- үй аумағын үймелеу үшін қолда бар материалды дайындау. 

Төтенше жағдай кезінде «112» нөміріне хабарласыңыздар.