ШҚО ТЖД құтқарушылары балаларға арналған «Ашық есік күнін» өткізді, деп хабарлайды Buqara.kz сайтының тілшісі. 

Шарада ұл-қыздар құтқарушы мамандығын, техника мен технологияны тереңірек танып, өрт сөндірушілердің жауынгерлік киімдері мен сүңгуір құралдарын киіп, өздерін бір сәт заманауи қаһарман ретінде сезінді.   

Кәсіби құтқарушылар өртті сөндіру, жаңа жүрдек қайықтарда адамдарды құтқару және зардап шеккендерге алғашқы медициналық көмек көрсету жолдарын көрсетті. Мұндай ашық есік күндері балалармен байланыс орнатуға көмектеседі және оларға қолжетімді формада қауіпсіздік негіздерін тиімді үйретеді. Сондай-ақ студенттер үшін арнайы білім беру викториналары мен эстафеталар ұйымдастырылып, олар төтенше жағдайларға имитацияланған жағдайда бақтарын сынады. 

- Балалар біздің іс-шараларға әрқашан белсенді қатысады. Біз өскелең ұрпаққа заманауи тәрбие берудің әдіс-тәсілдерін табуға тырысамыз. Ұлдар мен қыздар мұндай күндерді ұзақ уақыт есте сақтайды және болашақта құтқарушылар қатарына қосылады, - деді ШҚО ТЖД бастығының орынбасары Исхар Савазов.