Өскемен қаласы әкімдігінің мәліметінше, Жеңістің 80 жылдығына орай соғысқа қатысушылар мен куәгерлерге біржолғы әлеуметтік қолдау көрсетіледі, деп хабарлайды Buqara.kz сайтының тілшісі. 

Төлемдер жергілікті атқарушы органдардың шешімімен бюджет қаражаты есебінен жүзеге асырылады. 

Ресми деректерге сәйкес, өңірде ҰОС қатысы бар 4 264 адам тұрады.

Бекітілген жоспарға сәйкес:

12 ҰОС қатысушысы мен мүгедегіне – 5 млн теңгеден

190 ардагерге (тыл еңбеккерлері, блокада куәгерлері, концлагерь тұтқындары және майдангерлердің жесірлері) – 130 мың теңгеден

4 062 тыл еңбеккеріне – 80 мың теңгеден төлем беріледі.