Ол Өскемен – Риддер – РФ шекарасы тасжолының 27-ші және 92-ші шақырымында орнатылды, деп хабарлайды Buqara.kz сайтының тілшісі.

«ҚазАвтоЖол» ҰК» АҚ облыстық филиалы өкілдерінің айтуынша, жабайы жануарлар жол жиегіне жиі шығады. Сондықтан макеттер көлік жүргізушілерін ескерту үшін қажет. 

«ҚАЖсервис» ЖШС облыстық филиалының ақпаратынша, бұланның макеті Өскемен – Алтай – Үлкен Нарын – Катонқарағай – Рахман қайнарлары тасжолының 59 және 402 шақырымында да қойылады. Сонымен қатар Өскемен – Алтай – Үлкен Нарын – Катонқарағай – Рахман қайнарлары, Өскемен – Семей, Омбы – Майқапшағай – Қалжыр – Марқакөл бағыттарында жылқының макеті пайда болады.