Оның өмірден өткені туралы суыт хабар бүгін таңертең тарады, деп хабарлайды Buqara.kz сайтының тілшісі.

Нұржан Сайлаубекұлы 1969 жылы Аягөз ауданының Тарбағатай ауылында дүниеге келген. Өскемен құрылыс-жол институты мен Д.Серікбаев атындағы Шығыс Қазақстан мемлекеттік техникалық университетін "инженер-құрылысшы", "экономика және бизнес бакалавры" мамандықтары бойынша бітірген.
Еңбек жолын 1993 жылы Аягөз ауданындағы ДЭУ-25-те жол шебері болып бастады. Біраз уақыттан кейін прораб, одан соң осы ұйымның өндірістік-техникалық бөлімінің бастығы болды.
2001 жылы "Қазақавтожол" РМК Шығыс Қазақстан облыстық филиалының 71-жол пайдалану учаскесін басқарды.
2006 жылдан бастап мемлекеттік қызметте еңбектенді. 2009 жылға дейін Автомобиль жолдары комитетінің Шығыс Қазақстан облыстық департаментінің Сапаны бақылау және жұмыстарды қабылдау бөлімдерін басқарды.
Кейін 10 жылдан астам уақыт осы басқарманың өзін тізгіндеді. Бірнеше жыл облыс әкімінің орынбасары қызметін де атқарып, кейін облыстық Жолаушылар көлігі және автомобиль жолдары басқармасына қайта басшы болды.
Sozmedia.kz ақпаратынша, жерлеу рәсімі маусымның 4-і күні Астанада өтеді. 

Фотосурет Sozmedia.kz сайтынан