24-29 маусым аралығында облыс аумағында мопед жүргізушілерінің қатысуымен болатын жол-көлік оқиғаларының алдын алу мақсатында «Мопед» жедел-алдын алу шарасы өтуде, деп хабарлайды Buqara.kz сайтының тілшісі.

Аталған шараның негізгі мақсаты - жүргізуші куәлігі жоқ немесе белгіленген жасқа толмаған мотокөлік жүргізушілерін анықтау, тіркеу құжаттарының бар-жоғын және техникалық жарамдылығын тексеру, жол жүру ережелерінің бұзылуын болдырмау.
Полиция қызметкерлері мүдделі органдармен бірлесіп, автожолдар мен елді мекендерде рейдтік іс-шаралар мен жаппай тексерулер жүргізеді. Жасөспірімдер мен олардың ата-аналарымен түсіндіру және профилактикалық жұмыстар жүзеге асырылады. Сондай-ақ жол апаты болуы мүмкін қауіпті аймақтарда патрульдік бақылау күшейтіледі.
ШҚО Полиция департаментінің өкілдері мопед жүргізушілеріне қорғаныс шлемін кию, тиісті санаттағы жүргізуші куәлігі мен көлік құралын тіркеу — міндетті талаптар екенін ескертеді.