ШҚО Полиция департаментінде студенттер, оқушылар мен өңір тұрғындары үшін ашық есік күні ұйымдастырылды, деп хабарлайды Buqara.kz сайтының тілшісі.

Іс-шара қонақтары полиция қызметі мен ҚР ІІМ оқу орындарында білім беру туралы мәлімет алып, қызметтегі полицейлермен сөйлесіп, қызықтырған сұрақтарына жауап алды. Бағдарлама аясында полиция музейіне экскурсия, бейнебақылау жүйесі көрсетілген жедел басқару орталығына бару, техника мен жабдықтардың көрмесі ұйымдастырылды.

Көрсетілімдер ерекше қызығушылық тудырды. Құқықбұзушыларды ұстау, жарылғыш заттарды іздеуге үйретілген иттермен бірге кинологтардың жұмысы көрсетілді.

Қонақтар үшін викторина, естелік сыйлықтар және құқық қорғау органдары қызметкерлерімен еркін форматта әңгімелесу ұйымдастырылды.