Облыста жаздың соңғы айы айтарлықтай салқын болады деп күтілуде. Дегенмен айдың ортасында ыстық болуы мүмкін, деп хабарлайды Buqara.kz сайтының тілшісі. 

Қазақстанның басым бөлігінде тұрақсыз ауа райы сақталады. Республика бойынша күн күркіреп, жаңбыр мен бұршақ жауып, жел күшейеді.

– Айдың бірінші онкүндігінде республиканың солтүстігінде, орталығында және шығысында ауа температурасы түнде 5-15 градус аралығында құбылып, күндіз 15-25 градус жылы болады деп күтілуде. Тамыздың екінші және үшінші онкүндігінде ауа райы салқын және жаңбырлы болады, - деп хабарлады «Қазгидромет» РМК мамандары.

Ал айдың соңына қарай түнде үсік болуы мүмкін.