Глубокое ауданында 68 жастағы ер адамның есірткіге мас күйде көлік тізгіндегені белгілі болды, деп хабарлайды Buqara.kz сайтының тілшісі. 

Ол Өскемен-Шемонаиха тасжолының бойымен келе жатқан. 

Тексеру барысында ер адамның марихуана қолданғаны анықталды. Құқық бұзушы өз кінәсін мойындап, сараптама қорытындысына қарсылық білдірмеді.

Көлік жүргізушісінің жасын ескере отырып, әкімшілік қамауға алынбады. Жаза ретінде сот жеті жыл мерзімге көлік құралдарын басқару құқығынан айыру жазасын тағайындады.