Шығыс Қазақстан облысының әкімі Нұрымбет Сақтағанов ұлы ақын, ойшыл, ағартушы Абай Құнанбайұлының 180 жылдық мерейтойына орай Абай өңірінде өткен мерекелік шараларға қатысты, деп хабарлайды Buqara.kz сайтының тілшісі.

– Абай Құнанбайұлы – тарих пен мәдениетіміздегі ұлы тұлға. Оның мәңгілік рухани мұрасы – келер ұрпаққа жол көрсететін шамшырақ. Ақынның өрелі ойлары бізді ізгі істерге, Отанды, елді, ақиқатты сүюге жетелейді. Баршаңызды осы айтулы мерекемен құттықтаймын! – деді өңір басшысы.

Ұлы ойшылдың кіндік қаны тамған қасиетті мекен мерейтой қуанышына бөленіп, игі дәстүр жалғасын табуда.