Полиция қызметкеріне шабуыл жасаған азамат екі жылға бас бостандығын шектеу жазасына кесілді, деп хабарлайды Buqara.kz сайтының тілшісі.

ШҚО ҚАЖД баспасөз қызметінің ақпаратынша, оқиға құжатты жоспарлы тексеру кезінде болған. 

- Тәртіп сақшылары екі ер адам отырған көлікті тоқтатты. Олардың бірі есірткіге мас күйінде құжаттарын көрсетуден бас тартып, өзін агрессивті ұстады. Ер адам полиция қызметкерінің бірін жарақаттап, тас лақтыра бастаған, - делінген ресми ақпаратта. 

Сот шешімімен ер адам екі бап бойынша, оның ішінде билік өкіліне күш көрсету әрекеті бойынша кінәлі деп танылды. Алайда сот істің мән-жайын ескеріп, бас бостандығынан айыруға қатысы жоқ жаза тағайындады.