Әр аудан бойынша нақты мерзімдер белгіленді, деп хабарлайды Buqara.kz сайтының тілшісі.

Аймақ басшысы Нұрымбет Сақтағановтың сөзінше, жемшөп қоры мал шаруашылығындағы тұрақтылыққа тікелей әсер етеді.

- Біздің міндетіміз – белгіленген мерзімдерде шөп, сабан және құрама жем дайындауды толық аяқтау. Бұл – ауыл шаруашылығы өндірушілерінің әл-ауқатының негізі және қыстан тұрақты шығудың кепілі, - деді ол. 

Осылайша, 20 қыркүйекке дейін Тарбағатай, Күршім және Марқакөл аудандарының әкімдіктері шөп дайындауды аяқтауы тиіс. Ал 1 қарашаға дейін Глубокое, Шемонаиха, Ұлан, Алтай аудандарының әкімдіктері сүрлем, сабан және құрама жем дайындауды аяқтауы қажет.