“Қазгидромет” РМК мамандары келесі айға арналған ауа райы болжамын ұсынды, деп хабарлайды Buqara.kz сайтының тілшісі. 

Синоптиктердің айтуынша, қазан айының басы салыстырмалы түрде жылы болады. Түнде өңірдің басым бөлігінде ауа температурасы +5…+10°С аралығында болады, тек облыстың солтүстігінде -2°С күтіледі. Күндіз сынап бағанасы +15…+20°С градусқа дейін көтеріледі.
Екінші онкүндіктің басында түнде температура -1…-6°С градустан +1…+6°С градусқа дейін, ал күндіз +7…+12°С градустан +13…+18°С градусқа дейін жетеді. 
Үшінші онкүндіктің басында түнде сынап бағанасы -7…-12°С градусқа дейін төмендейді, күндіз +10…+15°С градустан +2…+7°С градусқа дейін ауысады. Облыстың оңтүстігінде кей күндері+18°С градусқа дейін жылы болуы мүмкін. 
Бұдан бөлек, келесі айда жауын-шашын күтіледі. Бірінші онкүндіктің басында, екінші онкүндіктің соңында және үшінші онкүндікте қар жауады. Қазанның соңғы онкүндігінде жаяу бұрқасын болуы ықтимал.