Өңірде қысқа мал азығын дайындау науқаны жалғасуда. ШҚО Ауыл шаруашылығы басқармасының мәліметінше, аудандардың көпшілігі шөп пен пішендеме дайындау жоспарын асыра орындаған, деп хабарлайды Buqara.kz сайтының тілшісі.

Шөптің ең көп көлемі Ұлан ауданында дайындалды (120,6%). Катонқарағай ауданында 120,3%, Алтай, Глубокое және Шемонаиха аудандарында 120%-ға орындалды. Риддердегі дайындық 110,8%, Самарда 110,4%-ға жетті. Өскемен қаласы мен Үлкен Нарын, Марқакөл, Зайсан аудандарында жоспар 100 пайызға орындалды.

Анықталғандай, мал азығын жинау тек Күршім ауданында аяқталмады, мұнда жоспардың 96,2%-ы орындалды. 

Пішендеме дайындау бойынша да жоғары көрсеткіштерге қол жеткізілді. Риддер қаласында 109%, Ұлан ауданында 102,4%, Алтай, Үлкен Нарын, Глубокое және Шемонаиха аудандарында 100%-ға орындалды.