Қала тұрғындарына алаяқтардан есептегіштерді шұғыл ауыстыру туралы қоңыраулар түсе бастады, деп хабарлайды Buqara.kz сайтының тілшісі.

Кәсіпорын өкілдерінің мәліметінше, алаяқтар тұтынушыларға есептегіш құралдардың жарамдылық мерзімі өтіп кеткенін айтып жатыр. - Соны айтады да, оны тексеріп немесе ауыстыру үшін телефон нөміріне жіберілген кодты сұрайды. Алайда компания қызметкерлері тұрғындарға телефон соғып, ешқандай код сұратпайды, - деді олар. Осы ретте мамандар тұрғындардан есептегіш құралдардың төлқұжатын тексеріп, жұмыс істеу және тексеру мерзіміне назар аударуды сұрайды.