Келесі айдан облыс орталығында көкөністер әлеуметтік бағамен сатыла бастайды, деп хабарлайды Buqara.kz сайтының тілшісі.  

Биыл 9 мың тонна жеміс-жидек пен көкөніс дайындалды. Соның ішінде картоп пен сәбіздің келісі 130 теңгеден, ал пияз бен қырыққабаттың келісі 120 теңгеден ұсынылмақ.
- Өнімдер кәсіпкерлердің сұранысына сай күн сайын жеткізіледі. Бүгінгі күні 19 павильон жұмыс істеп тұр. Тағы бес павильон конкурстық процедуралардан өтіп жатыр, - деп мәлімдеді «Ертіс» ӘКК баспасөз қызметіндегілер. 
Сонымен қатар қала тұрғындары күнбағыс майын да әлеуметтік бағамен ала алады. Ал қант, тұз, күріш, қарақұмық пен макарон өнімдері жыл бойы сатылады.