Облыс орталығындағы теміржол вокзалы күрделі жөндеуден өтеді, деп хабарлады Buqara.kz сайтының тілшісі. 

Тапсырыс беруші - «Қазақстан темір жолы» ҰК» АҚ. 

- Қазіргі уақытта «Өскемен-1» теміржол вокзалын күрделі жөндеуден өткізу үшін жобалық-сметалық құжаттама дайындалуда. Жөндеу жұмыстары 2025 жылы басталады. Ал қашан аяқталатыны әзірге белгісіз, - дейді ШҚО Жолаушы көлігі және автомобиль жолдары басқармасы басшысы орынбасарының міндетін атқарушы Қуаныш Акрамов.

Соның аясында ғимарат толықтай жөнделеді. Сондай-ақ модернизациялау жұмыстары да жоспарланып отыр. Ондағы мақсат - вокзалды мүмкіндігі шектеулі жандарға қолайлы ету.