Көлік жүргізу құқығынан айырылған әйел мас күйде рөлге отырған, деп хабарлайды Buqara.kz сайтының тілшісі. 

39 жастағы қала тұрғыны мейрамханадан шығып, көлік тізгініне отырған. Үйіне жете бергенде оны полиция қызметкерлері тоқтатты. 
Тексеру кезінде оның жеңіл дәрежедегі мас күйде болғаны анықталды. Сондай-ақ оның көлік жүргізу құқығы да болмаған. 
Сот шешімімен әйел өмір бойына көлік жүргізу құқығынан айырылды. Сонымен қатар алты айға бас бостандығынан айыру туралы үкім шығарылды. Бірақ кәмелетке толмаған баласы бар екені ескеріліп, жаза екі жылға кейінге шегерілді.