Күршім ауданына қарасты Алғабас ауылына жақын жерде, Бұқтырма бөгені маңында 1962 жылы туған ер адам достарымен балық аулап жүріп, көліктен алыстап кетіп, адасып қалған, деп хабарлайды Buqara.kz сайтының тілшісі.

ТЖМ-нің іздестіру тобы азаматты тауып, жағалауға жеткізді. Ер адам медициналық көмекке мұқтаж болмады.

Айта кетейік, облыста дауылды ескерту жарияланған болатын. Сондықтан мұзға шыққанда құтқарушылардың ұсыныстарын есте сақтаған жөн.

Төтенше жағдайда 112 нөміріне хабарлау қажет.