Бұл туралы ШҚО Экономика және бюджеттік жоспарлау басқармасы басшысы Нұрсұлтан Маратов айтты, деп хабарлайды Buqara.kz сайтының тілшісі.

Белгілі болғандай, 2025 жылы тауар айналымының көлемі 2,5 трлн теңгеге жетті (бөлшек сауда – 1,4 трлн теңге, көтерме тауар айналымы – 1,0 трлн теңге).
Ал сыртқы сауда айналымы 4,4 млрд АҚШ долларын құрады (экспорт – 2,6 млрд доллар, импорт – 1,8 млрд доллар). 
– Шығыс Қазақстанның сыртқы саудадағы ең ірі серіктестерінің ішінде Ресей Федерациясы (25%), Қытай Халық Республикасы (24,3%), Қырғызстан (10,2%), Түркия (7,6%), Өзбекстан (4%) және Мексика (4%) бар, – деді Нұрсұлтан Маратов.
Айта кетейік, облыстан металдар мен олардан жасалған бұйымдар, жануарлар мен өсімдіктерден алынатын өнімдер, дайын азық-түлік тауарлары, жабдықтар, аспаптар мен аппараттар экспортталса, өзге елдерден көбінесе минералды өнімдер мен көлік құралдары импортталады. 

Қымбат МУХАМАДИЕВА