Аймақтық аңшылар мен балықшылар қоғамдық бірлестігінің мәліметіне сүйенсек, биыл қасқыр санын бақылауға 736 рұқсат берілген, деп хабарлайды Buqara.kz сайтының тілшісі. 

Бұл шара малға жыртқыштар шабуылын азайтуға және аймақтың ауылдық округтеріндегі жағдайды тұрақтандыруға бағытталған.

Аңшылық шаруашылық маманы Жанат Архабаевтың айтуынша, қаруды сақтап, алып жүруге тиісті куәлігі бар аңшыларға рұқсат берілген. Тіркеу процесі толығымен автоматтандырылған және eLicense.kz порталы арқылы жүзеге асырылады. Рұқсат 31 желтоқсанға дейін жарамды.

Статистика бойынша, аймақта 1637 қасқыр түрі бар. Реттеу қолданыстағы заңнама мен аң аулау ережелері аясында жүзеге асырылады.