Биыл Қазақстандағы амбулаториялық қызметтердің құны 11,6%-ға қымбаттаған, деп хабарлайды Buqara.kz сайтының тілшісі. 

Ал аймақтардағы бағаның жылдық өсімі бойынша Астана көш бастап тұр. Бас қалада медициналық қызмет ақысы бір жылда 28,9%-ға артқан. Алғашқы бестікте Ақтөбе (18,3%-ға), Ұлытау (17,9%-ға), Қарағанды ​​(16,5%-ға) және Қостанай (14,6%-ға) облыстары бар. Шығыс Қазақстанда бұл көрсеткіш 13,2%-ды құрады. Ал Алматы (3,3%-ға), Батыс Қазақстан облысы (3,7%-ға) мен Шымкентте (7,1%-ға) ем ақысының аса арта қоймағаны байқалады.
Сондай-ақ амбулаториялық қызметтердің ішінде стоматологиялық қызмет бағасы 12,5%-ға, медициналық қызмет 11,5%-ға, орта медициналық қызмет 9,5%-ға өсті. Ал жалпы қан анализін тапсыру бағасы 0,1%-ға арзандаған.