Қазақстанда етті ең көп жейтін өңір - Маңғыстау облысы. Қаңтар-маусым айларында әрбір адам орта есеппен 49,1 келі ет өнімдерін тұтынған , деп хабарлайды Buqara.kz сайтының тілшісі. 

Екінші және үшінші орында Жамбыл (47,1 келі) және Атырау облысы (42,7 келі) тұр. Ал Шығыс Қазақстанда әр тұрғын жарты жылдың ішінде орташа есептегенде 42,7 келі ет жейді екен. 
Ең аз көрсеткіш Шымкентте (29,7 келі) және Түркістан облысында (31,6 келі) байқалды.
Жалпы қазақстандықтар сиыр етіне көбірек басымдық береді. Биыл бірінші жартыжылдықта бір адам 12,7 келі сиыр етін тұтынған. Одан кейін жылқы (3,6 келі), тауық (2,6 келі) және қой еті (2,5 келі) сұранысқа ие.