Биыл Қазақстанда үй тұрмысына арналған тазалық құралдарының құны былтырғымен салыстырғанда 7,6%-ға артты, деп хабарлайды Buqara.kz сайтының тілшісі. 

Атап айтқанда, тіс пастасы – 10,5%-ға, иіс сабын – 10,2%-ға, тіс щеткасы – 9,7%-ға, балаларға арналған сабын – 8,7%-ға, дәретхана қағазы – 7%-ға, қолға арналған крем мен шаш бояуы 7,5%-ға қымбаттаған.
Ал өңірлер бойынша Солтүстік Қазақстан облысы көш бастап тұр. Мұнда жеке гигиена құралдарының бағасы 12,4%-ға өсті. Одан кейінгі орынға Маңғыстау (12,2%-ға), Түркістан (12%-ға), Шығыс Қазақстан (10,7%-ға) мен Алматы (10,1%-ға) облыстары жайғасты. 
Ал Абай  облысында баға керісінше 0,3%-ға төмендеген.