Өскемен қаласының әкімшілік құқық бұзушылық істері жөніндегі мамандандырылған сотында ҚР ӘҚБтК-нің 608-бабының 1-бөлігіне сәйкес іс қаралды, деп хабарлайды Buqara.kz сайтының тілшісі.

7 қазан күні сағат 02:10-да ер адам алкогольдік мас күйде Лихарев көшесінің бойымен көлік жүргізген. Сот отырысында ол өз айыбын мойындамады.
Бірақ көлік жүргізушісінің кінәсі полициясы батальоны инспекторының хаттамасы, жеңіл дәрежеде мас күйінде болғаны жөнінде медициналық куәландыру қорытындысы, бейнежазба арқылы расталды. 
Осылайша ӘҚБтК-нің 608-бабы 1-бөлігі бойынша кінәлі деп танылып, 7 жыл мерзімге көлік құралын басқару құқығынан айырылды. ӘҚБтК-нің 32, 50 баптары бойынша төтенше жағдайлар департаментінің қызметкері әкімшілік қамауға алынбады. 
Қаулы күшіне енді.