Одан жалған неке куәлігі тәркіленді, деп хабарлайды Buqara.kz сайтының тілшісі. 

Қылмыстық-атқару жүйесі мекемелерінде сотталғандармен ұзақ уақыт кездесу тек жұбайлары немесе жақын туыстарына рұқсат етіледі.
- 33 жастағы әйел түрмеге кіру үшін неке куәлігін көрсеткен. Алайда қызметкерлер оның жалған екенін байқаған. Кездесуге келуші түсініктеме беруден бас тартты, - деді ШҚО Қылмыстық атқару жүйесі департаментінің баспасөз қызметіндегілер. 
Қазіргі таңда ҚР Қылмыстық Кодексінің 385-бабы 3-бөлігі (Жалған құжаттарды, мөртабандарды, мөрлердi, бланкілерді, мемлекеттiк пошта төлемі белгілерін, мемлекеттiк наградаларды қолдан жасау, дайындау немесе өткiзу) бойынша сотқа дейінгі тергеу амалдары жүргізілуде.