Қала әкімінің өкімімен Ахметжанов Ринад Руланұлы Өскемен қаласының Ішкі саясат бөлімінің басшысы болып тағайындалды, деп хабарлайды Buqara.kz сайтының тілшісі

Ринад Руланұлы Д. Серікбаев атындағы ШҚМТУ-да «Менеджмент» мамандығы бойынша білім алған, сондай-ақ С. Аманжолов атындағы университеттің «Заңгер» мамандығы бойынша магистр дәрежесіне ие. Жалпы еңбек өтілі – 14 жыл, оның 8 жылы мемлекеттік қызметте өтті. Әр жылдары қалалық Жастар ресурстық орталығында, Ішкі саясат және Мәдениет бөлімдерінде қызмет атқарған. 2021-2025 жылдары қала әкімі аппаратының Ұйымдастыру бөлімі басшысы болды.

2016-2019 жылдар аралығында Өскемен қалалық мәслихатының депутаты болған.

Фотосурет: Instagram.com/akimatoskemen