Облыс орталығының Ярославский көшесінде автобус түгі қалмай жанып кетті, деп хабарлайды Buqara.kz сайтының тілшісі.

Анықталғандай, қызыл жалын автобустың моторлы бөлігі мен ішкі салонын толық шарпыған.

- Жүргізуші өрт басталарын сезіп, көлікті алдын-ала тоқтатып, сыртқа шығып кеткен. Оқиға орнына өрт сөндірушілер жылдам жетіп, өртті сөндірді. Зардап шекккендер жоқ, өрттің неден шыққаны анықталуда, - деді ШҚО ТЖД баспасөз қызметінің өкілдері.