Шығыс Қазақстан облысы Риддер қаласындағы жылу электр орталығында қазандықтар іске қосылып жатыр , деп хабарлайды Buqara.kz сайтының тілшісі.

Қала әкімдігінің мәліметіне сүйенсек, жылу электр орталығында жылыту маусымына дайындық жұмыстары кестеге сәйкес жүргізілуде.

ЖЭО-дағы қазандықтардың бірі жағылған. 

«Қазіргі уақытта № 3 қазандық іске қосылды. 20 қыркүйекке дейін № 6 қазандық та қосылады деп жоспарланып отыр. Сол күні көпқабатты үйлерге ыстық су беріледі», — дейді Риддер қаласының әкімі Думан Рахметқалиев.

Еске салсақ, 2024-2025 жылғы жылыту маусымына дайындық шеңберінде Риддер ЖЭО-да негізгі және қосалқы жабдықтарды, жылу желілерін жөндеу жұмыстары жүргізілгенін  хабарлаған едік.