Ресми ақпарат аудан әкімдігінің әлеуметтік желідегі парақшасында жарияланды, деп хабарлайды Buqara.kz сайтының тілшісі.

Жауапты тұлғалар мәліметінше, марапат алғандар – аудан дамуына өз үлестерін қосқан жандар. Олардың қатарында мемлекеттік қызметте еңбегі сіңген ардагер Ахмет Күдербаев, «Батраков» шаруа қожалығының басшысы Владимир Батраков бар.
– «Самар ауданының Құрметті азаматы» атанған азаматтарға арнайы куәліктер мен төсбелгілерді аудан әкімінің міндетін атқарушы Жасұлан Майкенев пен аудандық мәслихат төрағасы Гульнар Шаймарданова салтанатты түрде табыс етті, – делінген ақпаратта.
Сонымен қатар Жасұлан Майкенев аудандық экономика және қаржы бөлімінің басшысы міндетін атқарушы қызметін атқарып келген Айнұр Сагимбаеваға басқа қызметке ауысуына байланысты жұмысына сәттілік тілеп, естелік сыйлық табыс етті.