Бұл ақпаратпен Ұлан ауданының әкімдігі бөлісті, деп хабарлайды Buqara.kz сайтының тілшісі.

Еске салайық, 11-қаңтарда үшінші Сібе көлінде (Шалқар) қысқы туристік маусым ашылған еді. Ойын-сауық бағдарламасы ұйымдастырылып, қонақтарға арналған киіз үйлер орнатылды. Ұлан ауданының әкімдігі қыстың соңына дейін демалушыларға қандай қызметтер қолжетімді болатынын атап өтті.

- Шалқар көліндегі "Мадина" жеке кәсіпкерлігі конькилерді жалға береді. Сондай-ақ кәсіпкер өз қаражаты есебінен көлдің жанына ыстық тамақты ұйымдастыру үшін жылы күркелер мен киіз үйлер орнатуды жоспарлап отыр, - деді аудандық кәсіпкерлік және ауыл шаруашылығы бөлімінің басшысы Әділбек Рамазанов.