Өткен жылы тәртіп сақшылары қарызын төлеуден жалтарып, жасырынып жүрген 40-тан астам адамды іздеп тапқан, деп хабарлайды Buqara.kz сайтының тілшісі.

ШҚО Полиция департаментінің көші-қон қызметінің қызметкерлері 2023 жылдың сәуір айынан бері қарызын төлеуден жалтарып жүрген ер адамның орналасқан жерін анықтады.

- Шығысқазақстандық азамат танысынан бизнесін дамыту үшін ақша алған. Алайда оның кәсіпкерлік бастамасы сәтсіз аяқталып, қарызы өтелмей қалған. Іздеу жарияланғаннан кейін көші-қон қызметі оның Ақтауда екенін анықтады, - делінген ШҚО ПД баспасөз қызметі берген хабарламада.

Енді қарызды өндірумен құзырлы органдар айналысатын болады.

Полиция қызметкерлері азаматтарға атқарушылық құжаттарды орындаудан жалтарғаны үшін әкімшілік және қылмыстық жауапкершілік қарастырылғанын ескертеді.

Фотосурет:halyq-uni.kz